admin
鄭秀文（Sammi）日前表示要以7倍努力做得比上個演唱會好，今晚「#FOLLOWMi 世界巡迴演唱會」頭場終於落幕，換了多套華麗戰衣，表現非常出色！
Sammi在唱到《Creo en Mi》中段時，為了舞台效果有超大量紅色紙碎在Sammi頭上傾瀉，令她吃了不少紙碎，幸好沒有影響Sammi唱歌，其後唱至《信者得愛》時全場high爆起身。Sammi又換上黑色紗裙，中間有巨型閃石十字架，還用了進化版經典nike眉，獻唱舊歌Medley，包括《理想對象》、《不拖不欠》、《如何掉眼淚》、《如果你有事》及《親密關係》。Sammi講到經典眉，她說是第一次個人演唱會「X空間」的一個造型：「嗰條咩Ki尾啦，今年呢個我會叫佢做復刻版。」
但可惜因為眉毛鬆脫關係，最後工作人員要幫Sammi整條眉搣掉，Sammi笑說：「死啦，仲要成條搣埋添，醜唔醜怪呀？」Sammi用手遮住條眉話：「不過我成日IG都係咁，其實我本身係冇眉嘅。過多3年，我都半百㗎啦，所以快歌慢歌間住唱，可以唔使跳咁多舞。喺我膝頭哥傷咗之後，我都有咁嘅表現，我自己都幾滿意呀。」全場掌聲歡呼。
Sammi又提到吊威吔環節排了很多次，唱《傷》的部份，約30位dancer又花費過百萬，整個團體很用心排練。談到信仰，Sammi說：「喺我好大好大困難嘅時候，信仰畀我好大力量，多謝我嘅God，無論困境都畀好大力量我。」接着邀請薛凱琪合唱《上帝早已預備》。
唱到尾聲，Sammi說：「嚟到呢個階段，我人生有好多沉澱、好多歷練、好多領悟，所以今次揀咗首慢歌做主題曲。我哋每個人都有自己嘅開心、有眼淚、有痛，但係唔緊要，因為《我們都是這樣長大的》。」而Sammi甫開口唱，就已經感觸落淚。
Sammi在encore部份換上白色運動背心，脫下背心變成紅色運動裝跳唱《螢光粉紅》，唱完後便在11點10分完騷。散場時，梁洛施、李嘉欣、許晉亨、鍾楚紅、Wyman等陸續離開，而許志安亦乘坐七人車，直駛回淺水灣寓所。今日許志安的態度有別早前的輕鬆，比較緊張，座駕行駛時也全速前進。
(資料來源：網上截圖/連結)
