admin
民陣的遊行下午3時由維園起步，何韻詩於下午2時左右，以一身全黑打扮、手持《蘋果日報》反惡法的雨傘現身。問到何韻詩對住今天的遊行人數有何預期，她說：「而家個運動嚟到呢一刻，都唔係單睇一日半日嘅人數，其實我哋點樣去持續落去先係一個關鍵，我覺得都要呼籲大家保持一個冷靜嘅心，因為好明顯警方用咗唔同嘅方法，去鎮壓大家嘅行動，某程度上都係挑撥緊大家嘅情緒，上網都睇到好多人有分析形勢，相信大家有足夠嘅智慧去面對。」
談到遊行的終點設於灣仔，而書展也正在舉行，問到阿詩會不會擔心大家的安全，她說：「呢啲都擔心唔嚟，其實負責任嘅應該係警方，都唔知點解佢哋明知會引起混亂都仲會咁做，好似之前民陣發出嘅Q&A咁，其實呢啲問題真係要問警方點解有咁嘅決定，希望大家今日互相守護、互相照顧。」至於今晚會不會有清場行動，阿詩指大家有足夠嘅智慧去應付。
(資料來源：網上截圖/連結)
