admin
楊千嬅上月29號做完北京站巡迴演唱會後，便與老公丁子高就帶同兒子Torres去了美國放暑假，準備玩一個月才回港。他們一家遊完紐約，便轉飛往佛羅里達州，日前去完迪士尼遊樂園後，一家三口昨日又去了環球片場，首次到佛羅里達州的玩的Torres最為興奮。
每年放暑假，千嬅兩夫妻都會帶兒子放一個悠長假期，所以這幾年她是希望暑假盡量不接工作，多盡母親之職，千嬅表示：「依家個仔仲細，會肯跟父母一齊玩，再大啲有自己朋友，你想同佢玩可能佢都唔睬你，所以要好好珍惜同個仔相處日子。依家工作都會減少啲，唔想太忙冇時間陪個仔。」
原來千嬅此舉，全因Torres一次的舉動令她醒覺要抽多點時間給兒子，她說：「記得有次我同老公有應酬要出街同人食飯，出門時阿仔話屋企有電飯煲，做乜要出去食飯，佢將大門上鎖唔想我哋出街，當時我就發現個仔好想我哋可以多啲陪住佢。」
(資料來源：網上截圖/連結)
