admin
曾五奪「香港舞台劇獎最佳劇本」、音樂劇《短暫的婚姻》的編劇莊梅岩昨日在facebook突然開腔點名炮轟高志森，以「其實從來都冇諗住再合作，所以冇咩杯唔杯葛。」作為開端，撰寫了一篇長文，她說：「歛財、霸道，最鍾意欺凌剛出道同冇選擇嘅人，自己同人講版權就要追broadway standard，人哋同佢講版權就話行裡面冇呢種規矩，佢無恥嘅言論同行為，罄竹難書，我身邊就有好多瀨過嘢嘅同業。張國榮喺電台都鬧過佢啦，但係佢勝在咩呀？面皮夠厚，人哋死咗佢照攞人哋啲歌人哋嘅名氣照呃飯食；攞住老本同舊時剝削返嚟嘅經典招謠撞騙，睇死嗰啲念舊嘅人唔敢同佢反面，呢啲扮人嘅蛆，我望一眼都不屑。」
莊梅岩續道：「佢係一個人物，真係一個人物，好多人作惡都有自知之明，收收埋埋，好少人會粗鄙同低智到咁loud咁理直氣壯，我可惜啲咩呢？可惜我哋人間要周不時睇到佢嘅肚滿腸肥同聽到佢嘅滿腹歪論；可惜佢呢種生意人可以走入我哋嘅戲劇圈扮大師；可惜佢身邊的確有幾個有才嘅人，俾佢洗腦、俾佢錯誤牽引，毀咗一生。我唔怪同佢做嘢嘅人，一來呢行唔係咁多選擇，骨氣都要睇環境，我擁抱佢哋，希望佢哋從中得到自己所需，無論係金錢或者表演機會。我只怪自己能力唔高，冇更多嘅工作機會俾大家。」
最後她說：「但係我喺佢身上唔係冇學到嘢，我學識乜嘢係真正嘅「慷慨」，因為佢係絕頂好嘅反面教材——捐嗰少少錢要人感恩、平價同佢做嘢成名嘅artist又要人感恩，最鍾意氹啲會為佢免費宣傳嘅老人家，俾餐飯錢就覺得自己做咗聖人、繼續自我感覺良好。關政治立場咩事呀？未有顏色之前已經割蓆（席）啦，唔係善惡都唔識分嘛？我係講緊佢呀，高志森吖嘛。我係make stupid people famous呀，so what?#響應謝冰盈運動」
而莊梅岩提及響應謝冰盈運動，原來近日有不少舞台劇的工作者發起杯葛行動，呼籲同業公開抵制高志森及其所屬的春天舞台，在facebook廣傳：「永不做春天！永不幫高志森！做個真正的演藝工作者大！」於是莊梅岩亦響應行動。傳媒向莊梅岩了解，她以短訊回覆說：「Just because some C妹（演藝學院）suggest 杯葛spring time（春天舞台）and I think I should say sth haha」（因為有演藝師妹提議杯葛春天舞台，所以覺得我應該發聲。」她亦表示近日有不少演藝同學向她反映：「Everyone talks about him but no one just openly challenged him」、「Now that a younger one suggested the movement and I think an old ghost like me should speak out the truth too」、「Lots of our fellow graduates / designers were bullied by him and his company la. I don’t know why the student started but I am not surprised」
事實上莊梅岩留言一出，有人力讚她敢言發聲，連甄詠蓓都留言說：「你支筆唔係咁用，浪費咗你啲時間，浪費埋個版面。」其後還有不少人加入聲討行列，直言當年曾經領教過高志森的工作態度，留言表示：「最鐘意發死人財，壓榨新人拖欠同行薪金，一早就割咗席喇！」
(資料來源：網上截圖/連結)
